Оној кој влегува во афера, недвосмислено е сигурен дека се случува опасна и забранета активност и ризикува да го изгуби својот брак.
Денес, кога искушението е само еден клик и не мора да се преземат никакви ризици за да се флертува со некој, да се развијат емотивни врски или дури да се вклучи во сексуална интимност, бидејќи онлајн неверство го менува концептот на неверство. Но, дали тоа ја менува и деструктивната тежи.
Поврзувањето со друга личност на социјалните мрежи може да изгледа апсолутно безопасно и невино, но ако се соочавате со ова прашање (повремено разменувате пораки со некој што ви се допаѓа или флертувате со една или повеќе личности на социјалните мрежи, размислувате за отварање профил на некоја апликација за запознавање...) и ако сте во брак или посветена врска, околу една работа не треба да се двоумите - онлајн неверство точно е тоа - неверство.
Koлку е штетно онлајн неверството
Можеби верувате дека онлајн неверството е далеку од физичкото неверство - може да флертувате со некој (и многу повеќе од тоа), а никогаш да не го видите неговото лице и не го чуете неговиот глас. Без вистински физички контакт, дури и без видео-контакт, онлајн неверството делува сосема безопасно - особено во очите на оној кој се вклучува во него.
Но, каде е неверството, таму е и лагата и ако се убедувате дека тоа не е ништо и дека имате право да се забавувате малку, се лажете самите себе, а и го лажете партнерот, бидејќи сигурно не му кажавте ништо за вашето безопасно забавување. Но, нели нема да криете нешто од партнерот што не е ништо, или?
Освен тоа, замислете како би се чувствувале ако знаете дека вашиот партнер ја прави истата работа (и не барајте извинување во претпоставката дека сигурно го прави, па зошто тогаш не би правеле и вие). Многу глупости се лесно достапни и изводливи, па пак, сите не ги прават глупостите само затоа што можат.
Аферата на мрежа е иста како и секое неверство и може да нанесе трајна штета на врската, бракот, семејството. Таа одзема време, внимание и емотивно вклучување од оние кон кои сите тие ресурси треба да бидат насочени.
Која е причината за неверство на социјалните мрежи
Онлајн неверството е облик на емотивно неверство кое значи губење на довербата, чувство на предавство, несигурност, гнев, завист, прекин и развод. Тајните и лагите имаат потенцијал да ја уништат довербата и почитувањето потребни за одржување на врската.
Дури и ако партнерот никогаш не открие што се случува зад неговиот грб, врската на доверба се прекинува кога партнерот е неверен, бидејќи тоа е нешто што не може да остане изолирано и без влијание врз личноста која изневерува и нејзиното однесување во врската.
Партнерот ангажиран во онлајн афера има право да го разгневи својот партнер, што може да доведе до подоцнежно компромитирање на односот.
Како да препознаете онлајн неверство
Ако сте загрижени дека сте ги прекорачиле границите или дека вашиот партнер е замешан во онлајн афера, постојат знаци на кои треба да обрнете внимание, вклучувајќи го прекумерното време на телефон или компјутер, видливо оддалечување во врската, големи промени во поведението и навиките, одбранбено однесување и лажење, смена на лозинките на профили, преместување на уредите на пооддалечено место во куќа, бришење на историјата на пребарување, криење на телефонот да не може партнерот да ги види пораките...
Внимавајте на границите помеѓу потребата за приватност и напорот за криење нешто. Никој не сака некој да му "копа" по телефон, но ако никогаш не се одвојува од него, тоа може да биде поразително. Заедно со промените во однесувањето и очигледните напори за сокривање на онлајн активности, ова однесување претставува реална причина за загриженост.
Ако чувствувате дека мора да го криете своето однесување и интеракциите на мрежите од партнерот, тоа е знак да размислите за своите онлајн врски и како тие можат да влијаат на вашиот однос со партнерот.
Причини за онлајн неверство
Постојат многу фактори кои можат да придонесат кон онлајн неверство - иако такви врски можат да започнат како безопасни, со текот на времето можат да се променат, а тоа може да допринесе за желбата за бегство од реалноста, постоењето на проблеми во врската (и избегнување на нивно решавање), желба за остварување на одредени фантазии, лоша комуникација, проблеми со самопочитувањето.
Откако онлајн неверството ќе излезе од контрола и ќе се претвори во онлајн секс, работите можат брзо да ескалираат. Некои луѓе дури можат да развијат зависност од онлајн секс, што додава уште една димензија на проблемот. Уште една опасност од сајбер-сексот е што луѓето кои се вклучени во аферата можат да одлучат да се сретнат лично. Тогаш, онлајн неверството станува физичко неверство, што ги зголемува ставките - и загубата.
Ако се справувате со последиците на своето однесување на мрежата, преземете одговорност, признајте ги вашите постапки и прифатете ја повредата која ја предизвикале. Знајте дека ќе биде потребен напор и долготраен труд за поправка на врската и за повторно обновување на довербата.
